KOYOWKU

 

Moibog in akuoi
moguman koinimu
Baya' don ule kon koibogmu

Dika manyasalonmu
ikolom bo touma'
Kitada naa in moyopisah
Koyowku  koinimu lukadai in tangoi mu
Ba motompia yotakin natonda

Aka iko bo motabi
Aka iko bo mosanang
Dika bi tonga salalu bunion mu
Taguonku kon ginaku
Oyuon pabi tangoimu
Sin dia' bi' in poliu kon tabiku
Noyayu' ka kon mata
Modiug bi' kon gina
Kuma bo poduduyNya
Motobatu in kitada.

Dika manyasalonmu ikolom bo touma'
Kitada naa in moyotala'
Koyowku  koinimu lukadai in tangoi mu
Ba motompia yotakin natonda

Dunia ain Notarang

 

Taong taongon  in binayaan
Kon lipu' intau kon perantawan
Maya motayak kon kobiagan
Igumon mako in koyaputan

Bo moitorop in Totabuan
Kon pogot in dia bi koliongan
Kon dodob in dia' don porupaan
Na' daun kayu inirup in delang

Igumon mako doa kon Tuhan
Sinba kita bui pa moyodondang
Batungan doman in totabuan
Mobangun kon lipu' in Totabuan

Naa in dunia ain don notarang
Pokoyayuin sosaturuan
Ondain mopiya tua in duduyan
Simba mosanang kita komintan