LIRYK LAGU MONGONDOW

POSILAG IN LIPU'KU

JODI MAMONTO 

Dayanan bo kotulidan

Tangoi in tubig kon gogagoman

Pinonangoi in mogoguyang

Poropot kon persatuan

Dayanan bo kotulidan

Posilag in lipu'ku

Dinoyon kon adat bo atorang

Ba moyayu' in pobangkangan

Dayanan mangalenya Intau motaaw duduyan

Kotulidan mangalenya intau motulid in gina

Aka motaaw duduyan mosalamat kobayaan

Aka moyaat in duduyan yo mogagom in rakyatnya

Naadon singog in mogoguyang 

Deeman tonga' singog o'uman

Balion naton balun mononi

Ponompia naton kon lipu'

Dayanan mangalenya Intau motaaw duduyan

Kotulidan mangalenya intau motulid in gina

Aka motaaw duduyan mosalamat kobayaan

Aka moyaat in duduyan yo mogagom in rakyatnya

Naadon singog in mogoguyang 

Deeman tonga' singog o'uman

Balion naton balun mononi

Ponompia naton kon lipu'

LAGU BOLAANG MONGONDOW "MOTOTOMPIAAN"

MOTOTOMPIAAN

JODI MAMONTO

 Igai kita mogu'ot moguhang

Mogaid moyotakin bo pia in gina

Dumudui monompia kon lipu'

Mobali' lipu' in mo makmur

Pembangunan naton in pobayaan

Igai kita momiara kon persatuan

Bantungan in pamarentah naton 

Mobangun kon Bolaang Mongondow

Bolaang Mongondow naton serasi

Igai kita motonoy kon pembangunan

Naai koliongan in koyow mogoguyag

Mototompiaan mototabian bo mototanoban

Igai kita mogu'ot moguhang

Mogaid moyotakin bo pia in gina

Dumudui monompia kon lipu'

Mobali' lipu' in mo makmur

Pembangunan naton in pobayaan

Igai kita momiara kon persatuan

Bantungan in pamarentah naton 

Mobangun kon Bolaang Mongondow

Bolaang Mongondow naton serasi

Igai kita motonoy kon pembangunan

Naai koliongan in koyow mogoguyag

Mototompiaan mototabian bo mototanoban

Bolaang Mongondow naton serasi

Igai kita motonoy kon pembangunan

Naai koliongan in koyow mogoguyag

Mototompiaan mototabian bo mototanoban

MOTAYOK - LAGU BOLAANG MONGONDOW

MOTAYOK

JODI MAMONTO

Indoy ka monik kon bulud ambang

Bulan kon tulud andon kumarang

Koligai mai kita komintan

Moposanang in pikiran

Dolom na'a dolom hiburan

Poyodungulan pododandian

Tayow mobiag mongodeaga

Motayok mokokapitan

Koligai mai ye yo ye yo

Koligai don ye yo ye yo

Koligai mai ye yo ye yo

Koligai don ye yo ye yo

Umpaka kumara-karang

Na dola-dolaag in Kotulidan

Dika liongon adat bo atorang

Mosanang kita komintan

Koligai mai ye yo ye yo

Koligai don ye yo ye yo

Koligai mai ye yo ye yo

Koligai don ye yo ye yo

Umpaka kumara-karang

Na dola-dolaag in Kotulidan

Dika liongon adat bo atorang

Mosanang kita komintan

Mosanang kita komintan

Mosanang kita komintan

Lagu Bolaang mongondow

 Mosoing

Jodi Mamonto

Bobay nolunat, nogi kaca mata

Bagu nogogintaawan kaminda

Adodoy in gayanya, awak bo pogotnya

Bo pomomake'nya mokodolodok kon dodob

Aka patongan iko pomomiannya

Aka kamberon yo tuo-tuodonnya

Aka bambanon tuain ko o'ibognya

Mosoing...mosoing..mosoing..mosoing

Mosoing...mosoing..mosoing... da mosoing

Mosoing...bobay mosoing

Bobay nolunat, nogi kaca mata

Bagu nogogintaawan kaminda

Adodoy in gayanya, awak bo pogotnya

Bo pomomake'nya mokodolodok kon dodob

Aka patongan iko pomomiannya

Aka kamberon yo tuo-tuodonnya

Aka bambanon tuain ko o'ibognya

Mosoing...mosoing..mosoing..mosoing

Mosoing...mosoing..mosoing... da mosoing

Mosoing...bobay mosoing

wo ..o..o...bobay mosoing

Manduru - Lagu Mongondow

Manduru

Jodi Mamonto

 Manduru..naaya ikow kon buta intau

Yo tompiaan poyoyobayat poyoyotakin

Tumompia kon dodia kon tumpala intau

Yo umuran mopia kobayaan...

Manduru,, naaya ikow bo noyayu' don

Igumon doa kon tuhan mobayag in dalan

Kobiaganmu umur mononoi sayang

Yo umuran mosanang in kotutuyan

Dika lumolatu' dika gumogutu'

Ba umuran mobondu na' doman manduru

Bungang manduru mobudo' mobondu

Umuran kon bonu in ginaku

Manduru,, naaya ikow bo noyayu' don

Igumon doa kon tuhan mobayag in dalan

Kobiaganmu umur mononoi sayang

Yo umuran mosanang in kotutuyan

Dika lumolatu' dika gumogutu'

Ba umuran mobondu na' doman manduru

Bungang manduru mobudo' mobondu

Umuran kon bonu in ginaku

Manduru...bungangku...Manduru

Dendang Tanobku - Lagu Mongondow

Jodi Mamonto

Kon pangkoi langit singgai aindon tumoyop

Limitu mako kon litoy in jandela

Bo dinapat mai in pongoibu

Moi tanobmai in lipu' kinolotangan ku

Maya in lumad limipoy in bulud

Tungkul in tua mongoadi' pa

Tua komintan moitoro-torop mai

Lopa' in mongondow ta kinototabiku

Pantung bo tolibag moi keya-kayaw mai

Ki ina' bo ki ama' noi gina mai

Utat bo yobayat ginalum komintan

Igumon mako...moyodungkul padoman

Kami naaya yo noyayu' don

Kon buta' in intau kon binayaan 

Umpaka mosanang kon lipu' in intau

Lipu' tontani dia' bi' koliongan.

Pantung bo tolibag moi keya-kayaw mai

Ki ina' bo ki ama' noi gina mai

Utat bo yobayat ginalum komintan

Igumon mako...moyodungkul padoman

Igumon mako...moyodungkul padoman

ONU IN TALA' KU - PANTUNG

ISMET MOKOGINTA

 Ka poduduy...ka poduduy doman la in bulud mosindog

Ba dia' bidon monako-nakod

Ka poduduy...ka domanla nakit in dodob

Ba dia' bidon la moyosingog

Ka poduduy..kapoduduy doman la in gobak kon irang

Ba dia' bidon maya aidan

Ka poduduy..kapoduduy doman la gina nokuyang

Ba dia' bidon mogimbayaan

Ka poduduy...ka poduduy dmanla in gobak kon irib

Ba dia' bidon maya' mogaid

Kapoduduy-kapoduduy doman ginaku nonakit

Badia' bidon tumali-talib

Ta onu bi''''ta onu bi' doman la tala' ku

Sin akuoi bi in singogonmu

Takonion...takonion naai don la libo'onmu

Si ain bidon kinolionganku

NAai mokuyang'''naai mokuyang anu doman ginamu

Sin dia' onu inaidanku

Mai nokotaaw...mai nokotaaw anu in topolibu

Yo o'uman bi' nongkoi munimu

Hayun bale...

Budaya in piaraan pakeang barat dika dayanan

Putod dika posenggang sin inami oyuon doman

PANTUNG BOLAANG MONGONDOW

 KOTABI N GUYANGA

ISMET MOKOGINTA

Tungkul guyanga nongoroton pa

Bayongan in adi' pinopo sikola

Simba mobali' intau mopia 

Kon singgai tumi yo baraguna

Onda in nouli'  bui pinotaluy

sin ibog in adi' in pinoduduy

Yo motayak in bai moi kukuy

Simba la adi' in moyotutui

Naonda adi' no dewasa don

Bo sarjana i no uli' nya don 

Bo noi buloy kon bobay nosombong

Sedang guyanga iliongnya don

Yo kotabi bin guyanga naton

Sin ai nogguyang bo motakitdon

sedang mongaan da

Maya' in tubig dongka buaton

Ina' bo ama' in kotabi bi' 

Sin taggung jawab bi naton adi

Pantung Bolaang Mongondow

TALA' KON GUYANGA

Ismet Mokoginta 

Ka kita intau noi lahir kon dunia

Na pusi' pabi' nodarit di' konoda

Poteteondon doman kita i mama

yo momangkoi don oyuon ko dosa

Tuamai kita adik ka mongo itoydon

Yo indongogan bi' ator in guyanga naton

Dika pomiyaan tongkai dia' dongogon

Ba dia' tala' in moduga-dugangdon

Mopiya totok ka oyuon pa in guyanga

Sin o rupa-rupa in liboon koi munia

Bamusia pa in mobogoi tonggina

Pikiran mosempit inmobuka' pa

Nobiag kadon adi' doman mokaya

Naay koliongan kimama paka no susah

Dia' popision don harta in dunia

Yo koliongan don taisi'n guyanga

Karasaan mai kotala' kon guyanga

Mo maaf koi munia konbonu in moroton pa

Moanto' don conto motakit masa mai naa

sedang kuukon dia' don kataawannya

Yo bain nana'a bo moajar in pikiran

Moindoy mako kon guyanga kon lantalaan

Mosiug mako dia' don ko o'man

Sedang kuukon dia' nya don tubagan

Tua mai kita adi' pokosadarpa

Ka oyuon tala' pomaaf bi kon guyanga

Sin dia' pabi' nobali kon dunia

Guyanga in maya muna monompia

Ka oyuonpa doman la kon guyanga

Yo lukadaibi taisi bo tompia

Naai bi' singogon bo koyaat in gina

Sin sorga bi' kon palad in siol mama

Hayuun bale....

Kita komintan naa kotala' bi kon guyanga

Pomaapdon koimunia ba mokouli' kon berkahnya

Pantung Bolaang Mongondow

IMALOW ( MOMANCI - MANCING )

Abang Hatam

 KA ONTONGON MU KON BONU IN DODOB

NA DOMAN TULU' DUMOKO DOKOT

DIKA BARANI IKO MOPOGOGINOT

SI OUMANON KUDON IN TAKOLIPOD

KA ONTONGON MU KONBONU IN BATIN

NA DOMAN DOKOT IN LAMPU DINDING

DIKA TANTU' IKO MO KIKOPUSING

SI OUMANON KU KOMINTAN YOTAKIN

KA OTONGON MU KON BONU IN GINA

ONDA BO TULU' TA PALING MOBAGA

DIKA BARANI IKO MO RUPA RUPA

SI OUMANON KU TA TONGA' KITADA

KA ONTONGON MU IN KOMBONU AHLAK

ONDA BO TULU' MOGOLA GOLAK

DIKA BARANI MOKIDIA IN SURAT

SIN O UMANONKU INTA KON PONDULAK 

KAI MUNIMU OLAKI I MO INDOT

TA' BOBAY PABI' I MOKILO KILOT

MO MANCI-MANCING BA BUI PA MOIBOG

NOKI BONDINGNYA LAGOD DOMAN IN BUOK

KAI MUNIMU OLAKI MO BAJINGAN

TA' BOBAY PABI' DOMAN MOTOYA TOYANG

MOMANCI-MANCIG MO BUI  MO KI ULANG

SEDANG LA BUOK PINOKI PIRANG

KAI MUNIMU OLAKI MO  PANGGIT

TA' BOBAY PABI' I MOPULI PULITIK

MOKO ONTONG DON KON KOPI'AN DOIT

SEDANG KOIBING PINAMPING KOMONIK

KA RASAAN BO DIA' NOPASTI

MANI' DIKABI MUNA LA MO DANDI

BA DIA' TONGA ANU MOMIA BOLI

BO KONTAYOWON IN MAUT BO JANJI

KA RASAAN GINA DIA MODAGING

DIKA PONGOYOW KON TOPO TAKIN

KA RASAAN MAI PIKIR BO DIA' NOYAKIN

NAAI SININGOG AMIN KON LAHIR BATHIN 

KOLIPOD PA APA OYU'ON

SEDANG MOKUUK YO TONGA' DONOYON

NA'A  IN  IKO ANU' BO DOI' BIDON

TANGOI MAMA MU ROTAGON KUDON

AWAS HAYUUUN... JAGA BALE

AKUOI NONGKO IMANDI

NO NGANDUP MANGOI KON PUSIAN

I LALONG TONGA' BOBAGI

INAKO IN UBOL DOMAN

Pantung Bolaang Mongondow

BARANI IKO NONOLINDUA

Ismet Mokoginta

Yo lagapan ku in tobu-tobubu

Kokaanonnya la bungai  kayu

Bo nanion in kototabiku

Barani iko noponoliu

Bo lagapan ku didain paloma

Kokaanonnya bogat bo tepa

Bo naanion bi' pononompia

Barani iko nonolindua

Bo lagapanku in tarakuku

Kokaanonnya in bungai toigu

Mai no'ilaut dinuduyanku

Rupa-rupadon pinobujumu

Bo lagapan ku lagapan linggot

kokaanonya in bungai payoy

Ka dia' iko la bain mongibot

Dia barani akuoi nobogoi

Bo lagapan ku dindain bongolo'

Bo nomuyun kon daun nanasi

Kon bonu in dodob ain notalolo

Tonga' dia' mai bo ai nobali'

Bo lagapanku dindain kalea'

Bonomuyun bi' kon daun onaw

Sedang akuoi totok nooyak

Bayongan don intau i nototaaw

Hayunn bale

Manamai daun kombiloy 

anta daun bi' kokupa

Tompiadon adi' bo buloy

dikadon monolindua

Pantung Bolaang Mongondow

AKUOI DIKA DON KOTANGOYAN 

Abang Hatam

Ginaku au dia' bi' mogagawang

Ginaku au dia' bi' mogagawang

In niatku bo ibog na'don pinaidan

In niatku bo ibog na'don pinaidan

Poduduy dodiamu anu' dia' mogampang

Poduduy dodiamu anu' dia' mogampang

Dia motaaw iko tantu tala'an

Dia motaaw iko tantu tala'an

Ontongon mu in akuoi tongkai na biasa

Ontongon mu in akuoi tongkai na biasa

Tak kon ginaku in dia' bidon onda

Tak kon ginaku in dia' bidon onda

Deeman anu' akuoi momanyasal

Deeman anu' akuoi momanyasal

Ta mooya' totok anu' kon dodia

Ta mooya' totok anu' kon dodia

Dia' kabi tantu'mu singogon

Dia' kabi tantu'mu singogon

Inako anu' ain bidon noliong

Inako anu' ain bidon noliong

Moitorop bi' dega' togoinopon

Kotangoyan pabi' anu baindon tuodon

Kotangoyan pabi' anu baindon tuodon

Kotangoyan pabi' anu baindon tuodon

Dongka don na'a koyowku in poguman

Dongka don na'a koyowku in poguman

Akuoi dikadon tantu' kotangoyan

Akuoi dikadon tantu' kotangoyan

Kitada in dia' bidon kohubungan

Kitada in dia' bidon kohubungan

Dia' in singog pa taonda in alowan

Dia' in singog pa taonda in alowan

Aindon munaku anu' pinosingog

Aindon munaku anu' pinosingog

Tonga' iko in doi' anu nokidongog

Tonga' iko in doi' anu nokidongog

Naata in niatmu toposi bi' totok

Naata in niatmu toposi bi' totok

Moko popisik moko rodomok

Moko popisik moko rodomok

hayun hayuunnn  awas bale..

Nanti bale....

Akuoi in doi' bidon, dodiamu inontongan kudon

Iko in doi' singogon tantu' lumuay dolom

Pantung Bolaang Mongondow

KUYANG GINA 3

Abang Hatam

 Paka simbaat bo moyokosing

ta' kon bonu in gina nomuli- muling

aka dodob bo ain don noponsing

Onu pabi' motaaw pobanding

Paka sibaat mokipongonguman

Ta' konbonu in gina dia' doman

Mobui pabi' anu' kobatukan 

Ka tubig in dagat dia' don molendang

Paka bi akuoi mokiposingog

Tonga' oyuon domn sibay kon dodob

Mobui pabi' kon na kolipod

Ba tubig in dagat in dia' don molimbok

Kon ginaku ain bidon nodait

Sin nana'a don anu' in o'aid

Ka ibarat daun ai noyingki yingkit

Mosaged bidon in bui pa modampi

Ginapa kon onda in mokotahamg

Ai nomuling in dodob pinosabaran

Ka na' limbuong aindon ilebetan

Yo mosaged bidon anu' ku limatan

Dikadon anu' iko bui mobatuk

Sin tonggina ku ain bidon nopalut

Dodob nosabar ka ibarat bulud

Yo aindon noonggot in ginumotup

Yo morugi bidon iko in momanak

Mokotangoidon kon ai moyodiak

Mobuipa akuoi totok don dia'

Sin muna mudon anu da pinonduya'

Onu pabi' buimu talolo'an

Si iko bi anu in nomalidawan

Maya mangoi anu' bo talolo'an 

Barang ginaku aindon pinali'an

Awas Hayuunn  Jaga bale...

Ka pali' la kon lima

mobayong bi' in undamnya

Ka pali' la kon gina 

yo dia' bi' in ponompia

Liryk lagu Bolaang Mongodow

 Intau no susah

Chairul A Luli

Deeman akuoi doi' koinimu

aka kainako liong pa in akuoi

Guyanga mu ule doi' koinako

Sin akuoi na'a intau mosusah

Singog munia dia' no'itala'

Yo duduyai bi' 

simba' motompia

Dunia natonda noyayu' in bedanya

Na' doman buta' bo langit in yayu'nya

Iko intau mosanang akuoi intau mosusah

Tua bi' dega; in ko doi' munia

Potayak don ule kon ibanya

Akuoi dika bidon harapon